قبعتي، الواني وأنا في الطبيعة

✨ "قبعتي، الواني وأنا في الطبيعة" – مغامرة مع الذات 🎩🌿

مرة فكّرتوا قديش أوعينا، أغراضنا، وحتى أصغر التفاصيل اللي منختارها تعكس شخصيتنا ومين إحنا؟

👣 وإذا إنتوا من الناس اللي بتمشي بالجبال… فكّرتوا قديش في بالطبيعة قوة؟

وقديش فينا إحنا، كمغامرين/ات، صفات مميزة؟

كل مسار منكتشف فيه إشي جديد عن حالنا

عشان هيك منحب نعرّفكوا على كيتي جروس مشيعل 👩‍🎨

- عاملة اجتماعية وحاصلة على لقب ثاني علاجي

- موجهة مجموعات عن طريق تنسيق الأزياء العلاجي

وحضّرتلنا ورشة استثنائية بعنوان: 🎩 قبعتي، الواني وأنا في الطبيعة

ليش اخترنا القبعة؟

لأنها من أهم أغراضنا بالمسار! وكل حدا فينا بلَبِس "قبعات" مختلفة بالحياة 🎭 لكل مكان ودور... قبعة خاصة. وحتى بالطبيعة، في دور خاص فينا.

رح نسأل:

☀️ أي "قبعة" منحس بدنا نلبس وإحنا بالطبيعة؟

💪 وشو الدور اللي بيعطينا قوة؟

🌀 وكيف هاد بنعكس على باقي جوانب حياتنا؟

🗓️ تفاصيل الورشة:

- المدة: حوالي ٣ ساعات، نلتقي بعد الظهر على ال16:00 ومنبقى للغروب 🌅

- المكان: بين الأشجار، وسط الطبيعة 🍃 – حيفا

- المنتَج النهائي:

🎨 قبعة بتصميم شخصي… تعكس "مين إحنا بالطبيعة"

مبنى الورشة:

1. جلسة حوارية 🗣️

نتعرّف فيها على ذاتنا من خلال منظور تنسيق الأزياء العلاجي.

2. الجزء الإبداعي 🎨

منحوّل مشاعرنا، أفكارنا، وعلاقتنا مع الطبيعة

لـ تصميم فريد باستخدام الألوان، الدهان، والقبعات.

🎨 ملاحظة :رح نستخدم ألوان ممكن توسّخ، فـ يفضّل تلبسوا أواعي مريحة (كل شي بنغسل), ورح نكون مجموعة نسائية فقط 😉

لمين ملائمة الورشة؟

اذا حاسة حابة توخدي رحلاتك ومغامراتك لمكان روحاني.

اذا حابة تتواصلي مع الطبيعة وتفكري بوجودك داخلها

واذا جاهزة تطلعي على مغامرة مع نفسك؟ 💫

احجزي مكانك وخلينا نعيش التجربة سوا مع كيتي