مثل كتير بنات اضطريت احارب وادافع عن حقي بالحياة. اهلي بفضلوا اني أكون بالبيت عالطبيعة، لانه بالنسبة الهن البيت أمان أكثر. دايما كنت اسأل حالي لي اصلا عم بدافع عن حقي بأني أعيش الحياة بتفاصيلها؟
ولما اكتشفت حبي للعالم البري، عرفت انه مش لازم احارب، كمان لازم اربح هاي المعركة عشان هيك اشي مميز.
تجربتي الأولى كانت كأنه طفل بذوق طعمة جديدة لأول مرة، بكون في عوجهه علامات تعجب على انه كمان دوقه، رغم انه كل هايك كان بعد محاربة بأني بدي اطلع، مخلتنيش الاشي يأثر علي، وانبسطت بكل التفاصيل الصغيرة اللي أول مرة بذوقها بالطبيعة.
 

بعد مساري الأول بريت البلاد, فهمت اني بعرفش كيف كنت عايشة قبل هيك تجربة! في جزء قوي كتير عرفته عن حالي وهناك تغير تعريفي لكلمة خوف وصغرت كل الحدود اللي كنت حاطتها لحالي

​

والصراحة الاهم, عرفت انه الجبل صار صديقي, صديقي اللي رح يرافقني دايما. هاي السلسلة نبنت عشان اشوف كمان وكمان نساء تحس بهاي القوة الموجودة بالجبال ومش بأي محل تاني.. والخوف وعدم المعرفة بنفع تتخطيهن وتوصلي لمحلات كتير ابعد من شو مفكرة بتقدري