لتحميل الخارطة
Sea to Sea (Mediterranean Sea to Tiberias)
مسار البحر المتوسط الى بحيرة طبريا
معلومات عامة
واحد من اجمل المسارات المتواصلة في البلاد, بداية من البحر المتوسط والى بحيرة طبريا يسمى بالانجليزي sea to sea لانه بحيرة طبريا بالانجليزي هي Sea of Galilee أو sea of Tiberias. مسار 3-4 ايام. كل المسار عبارة عن 70 كم واللي بتقسموا على الايام حسب كل شخص وقدراته. اليوم الاول في مشي بالشارع عشان هيك كتير اشخاص بتلغي نص هاد اليوم.
اليوم الاول
:نقطة البداي
חניון עין חרדלית
نقطة النهاي:
אבירים
الصعوبة:
سهل+
السنة:
26.06.2021
المسافة:
12 كم
الوقت:
من 7 ل9 ساعات حسب كمية الاستراحات
طلوع نزول:
577 متر طلوع
ملائم للكلاب:
ممنوع ادخال الكلاب الى المسار مع انه كل الوقت الناس بتجيب كلاب بالجزء هاد بالذات
مناظر:
مشي بين الاشجار, جبال, قلعة مونفورت, وادي ومي كل الوقت
ملاحظات:
في مقاطع بتزحلق عشان هيك انتبهوا لما تمشوا بالمي
عن اليوم الاول
هو يوم تقريبا كله مي, ملان عيون مي من عين خردليت لعين تمير, المي ممكن توصل لحد 1.5 متر عمق, في مقاطع ممكن تشكل خطر التزحلق, الحجار نفسها بتكون كتير مالسة. المسار هوين للمشي بدون خارطة وكله خط دغري.
اليوم الاول منمرق بالوادي وبتكون قلعة مونفورت من فوقنا, منوصل منطقة ابيريم اللي فيها اكثر من محل للتخييم وحتى فيها اماكن لاقامة بنزل (هوستل) للي ما بفضل التخييم.
:نقطة البداي
אבירים
نقطة النهاي:
חניון לילה חורבת חממה
الصعوبة:
متوسط
السنة:
27.06.2021
المسافة:
19 كم
الوقت:
من 7 ل9 ساعات حسب كمية الاستراحات
طلوع نزول:
748 متر طلوع
ملائم للكلاب:
ممنوع ادخال الكلاب الى المسار
مناظر:
مشي بين الاشجار, جبال, عين حطام وشوية مي
ملاحظات:
هون في اقل مي فا مفضل نعبي الصبح منيح مي للطريق
اليوم الثاني
عن اليوم الثاني
اليوم الثاني بكون متعب اكثر بعد تخييم, هاد الجزء كان حامي اكثر وفي اجزاء مع اقل شجر, الحلو في انه منوصل اكم عين ونقطة التخييم تعتبر مرتبة وفيها اماكن للمي بس ما في حمامات
:نقطة البداي
חניון לילה חורבת חממה
نقطة النهاي:
חניון נחל עמוד תחתון - נחל עכברה
الصعوبة:
سهل+
السنة:
28.06.2021
المسافة:
22.5 كم
الوقت:
من 8 ل9 ساعات حسب كمية الاستراحات
طلوع نزول:
458 متر طلوع
ملائم للكلاب:
ممنوع ادخال الكلاب الى المسار
مناظر:
مشي بين الاشجار, جبل ميرون ووادي عامود السفلي
ملاحظات:
هاد الجزء اوله طلوع وبعدها بصير كله نزول
اليوم الثالث
عن اليوم الثالث
هاد اليوم اطول من ناحية كيلومترات بس كتير حلو لانه في وادي عامود العلوي والسفلي ومنرجع منمرق بكتير محلات مظللة وفيها مي, للمعلومات انه هون بنقطة البداي منشوف طرف البحيرة بس ما وصلناها, وممكن ينزاد اخر قسم متلا 3.5 ايام وممكن نكتفي هون. او منعمل ترتيب ال4 ايام.